काठमाडौँको नागार्जुन नगरपालिका–६ मा ‘कृषि सांस्कृतिक तथा व्यापार महोत्सव २०८२’ विबिध साङ्गीतिक कार्यक्रमका साथ सम्पन्न भएको छ । लोकसंस्कृति प्रतिष्ठानले आयोजना गरेको महोत्सव अन्तर्गतको साङ्गीतिक कार्यक्रममा विभिन्न सङ्गीतकर्मीले आ-आफ्ना प्रस्तुति दिएका दिए । त्यस क्रममा गायक रमेश पाठकले आफ्ना चर्चित गीत गाएर दर्शकलाई झुमाएका थिए । बहु बिधाका गीत गाउँन सक्ने खुबी भएका कारण पाठकको प्रस्तुती दर्शकले अत्यन्त रुचाएका थिए ।
गायक पाठकले के गर्ने के गर्ने,सातै सुर, मायाकै पीर , कानैमा झुम्का लगायत आधा दर्जनभन्दा बढी आफ्ना चर्चित गीत गाउनुभएको थियो । कार्यक्रममा गायक सुगम पोखरेल, रमेश राज भट्ट, गयिका प्रीती आले,रचना रिमाल लगायतको पनि प्रस्तुति रहेको थियो ।
