‘ प्रतिभा र आत्मविश्वासको रंगीन उत्सव’
काठमाडौं- युवाको प्रतिभा, आत्मविश्वास र सिर्जनशीलता अभिव्यक्त गर्ने उद्देश्यले ग्रेस इभेन्ट्सको आयोजनामा तथा क्युपिड फोटोग्राफीको सहकार्यमा आयोजित “मिस्टर एण्ड मिस ग्रेस एसईई नेपाल २०२५ – सिजन ६” को ग्रान्ड फिनाले तथा विशेष सम्मान कार्यक्रम नवदुर्गा पार्टी प्यालेस, सुकेधारामा भव्यतापूर्वक सम्पन्न भयो।
ग्रेस इभेन्ट्सका संस्थापक तथा प्रमुख कार्यकारी अधिकृत सुरज थापाको अध्यक्षतामा सम्पन्न कार्यक्रमको उद्घाटन संघीय संसद प्रतिनिधिसभाकी उपसभामुख माननीय इन्दिरा राना मगर, नेपाल स्काउट्सका प्रमुख आयुक्त देवराज घिमिरे र इभेन्ट म्यानेजमेन्ट एशोसिएसन नेपाल (EMAN) का अध्यक्ष तथा गिनिज वर्ल्ड रेकर्ड होल्डर राजेन्द्र लुइँटेल (राज )ले दीप प्रज्वलन गर्दै संयुक्त रूपमा गर्नुभयो।
प्रतियोगितामा महिला तर्फ एल्मिरा कार्की र पुरुष तर्फ इनेश बस्नेत विजेता घोषित भए। रबिना खड्का र सन्देश तामाङ पहिलो उपविजेता घोषित भए भने प्रस्मी रत्न दोस्रो उपविजेताको स्थानमा रहिन्। तेजस्वी बुढाथोकी ब्रान्ड एम्बेसडरको रूपमा चयन भइन् भने आयोजक रोजाइ उपाधि स्नेहा चापागाईंले प्राप्त गरिन्। भोटिङमार्फत सर्वाधिक मत प्राप्त गर्दै एल्मिरा कार्की र इनेश बस्नेत ‘भोटिङ स्टार’ बनेका हुन्। त्यस्तै, मुना मोक्तान र इनेश बस्नेत ‘भ्युअर्स चोइस’ विजेता घोषित भए।
प्रतियोगितामा विभिन्न उपाधिका लागि उत्कृष्ट ठहरिएका प्रतियोगीहरू यसप्रकार छन्—
बेष्ट ड्रेस: रोसेरी सापकोटा र पियरनिल डंगोल
फोटोजनिक: एल्मिरा कार्की र इनेश बस्नेत
मल्टिमिडिया: एल्मिरा कार्की र इनेश बस्नेत
ट्यालेन्ट: प्रस्मी रत्न र लोकेन्द्र बिष्ट
बेष्ट पर्सनालिटी: तेजस्वी बुढाथोकी र पियरलिन डंगोल
मोस्ट कन्फिडेन्ट: स्नेहा चापागाईं र सन्देश तामाङ
डिभा: रोसेरी सापकोटा
मोस्ट ग्लोरियस: रबिना खड्का
मोस्ट डाइनामिक: श्रद्धा चापागाईं
बेष्ट फिगर: प्रायुषा तिमल्सिना
मोस्ट ग्ल्यामरस: अनुश्का कोईराला
बेष्ट वाक: एल्मिरा कार्की र सन्देश तामाङ
मोस्ट एलिगेन्स: मुना तामाङ
प्रतियोगीहरूको मूल्याङ्कन ख्यातिप्राप्त निर्णायक मण्डलले गरेको थियो। निर्णायकहरूमा मोडल तथा इभेन्ट प्रोड्यूसर यौशा मगर, सिल्भर इन्टरटेन्मेन्टका प्रमुख कार्यकारी अधिकृत सानिश शाक्य, मिस ग्रेस एसईई २०२३ की विजेता छोनिफी तामाङ, रोबेनका नामले चिनिने कृष्ण महार्जन र मिस टुरिज्म नेपाल २०२४ की रबिना बराईली रहेका थिए।
कार्यक्रममा प्रस्तुत गरिएका सांगीतिक तथा नृत्य प्रस्तुतिहरूले माहोल झन् उत्साहपूर्ण बनाएको थियो। वरिष्ठ कलाकार सुरबीर पाण्डे (दारी बा), सपन श्रेष्ठ, बिज्जु लिम्बु, नृत्य कलाकार आनन्द भण्डारी, नृत्याङ्गना अल्जिना कार्की र अभिनेता अर्जुन कार्कीले विशेष प्रस्तुति दिएका थिए।
कार्यक्रममा विशिष्ट अतिथि तथा प्रतिभा क्षेत्रका व्यक्तित्वहरूलाई सम्मान गरियो। सम्मानितहरूमा देवराज घिमिरे, राजेन्द्र लुइँटेल, गायक सपन श्रेष्ठ, सञ्चारकर्मी सोनीत राज ढुंगेल, मेकअप आर्टिस्ट टेकराज पाण्डे तथा अनमोल ज्योति स्कूलका प्रिन्सिपल नितेश राई रहेका थिए।
प्रतियोगीहरूको रूप सजाउन मेकअप टिममा डीआईपी पायल बुढाथोकी, लक्ष्मी श्रेष्ठ, एकता भण्डारी, गीता उप्रेती, चन्द्रना घिसिङ, चित्रा थापा, जल्पा देवी सुनुवार, उमना खत्री, देवकी साउद र बिनिता जीसीको विशेष योगदान रह्यो।
कार्यक्रमको सम्पूर्ण व्यवस्थापन तथा समन्वयमा बिन्द्रा प्रजापति (अफिसियल फोटोग्राफर), अर्शु महर्जन (कोरियोग्राफर), सविन खड्का (आईटी हेड), अनिश कार्की (ग्राफिक्स डिजाइनर), अंकित मल्ल (भिडियोग्राफर), रक्कु बोहरा र श्रृष्टि न्यौपाने (इभेन्ट कोअर्डिनेटर), रेश्मा राई (डान्स कोरियोग्राफर) र प्रतिक्ष्या डंगोल (अफिसियल होस्ट) जिम्मेवार थिए।
यसका अतिरिक्त स्वयंसेवकका रूपमा कोपिला बोहरा, आदित्य चौधरी, सिम्रन मोटे, सलिना गिरी, उत्सव खनाल, बिसुद्ध अधिकारी, सक्षम सापकोटा, त्रिपुरा खड्का, अविनाश राना मगर र अभय ठाकुर सक्रिय रूपमा संलग्न थिए।
कार्यक्रममा अघिल्ला सिजनका विजेता तथा विशेष अतिथिहरू पनि सहभागी थिए। तिनमा श्रेया कार्की, स्वेता श्रेष्ठ, लसता महर्जन, सुनिशा गुरुङ, आन्जुम लिम्बु, स्मारिका सुवेदी, उर्मिला तामाङ, मुना मगर, सागर जोशी, सन्दीप खनाल, सोनीया चाम्लिङ राई, नीलम गुरुङ, चाँदनी रपाईली र रबि लामा प्रमुख थिए।
प्रमुख अतिथी रानाले कार्यक्रममा भन्नुभयो ;”युवाहरूको आत्मविश्वास, सृजनशीलता र नेतृत्व क्षमता यस्ता मञ्चहरूबाट उजागर हुन्छन्। आज यहाँ उपस्थित हरेक सहभागी अनुहारमा भविष्यको सम्भावना देखिन्छ। यस कार्यक्रमले केवल सौन्दर्य होइन, आत्माभिव्यक्तिको शक्ति प्रस्तुत गरेको छ – जुन समावेशी र समतामूलक समाज निर्माणको आधार हो।”
आयोजक समितिका अध्यक्ष सुरज थापाले कार्यक्रमको विषयमा भन्नुभयो ; “ग्रेस इभेन्ट्सको मूल उद्देश्य प्रतिभाको खोजी मात्र होइन, आत्मविश्वास, नेतृत्व र सिर्जनशीलताको उज्यालो भविष्य निर्माण गर्नु हो। ‘मिस्टर एण्ड मिस ग्रेस एसईई नेपाल’ हाम्रो प्रयासको एउटा यात्रा हो, जसले युवाहरूलाई आफ्नो पहिचान निर्माण गर्न र राष्ट्रिय स्तरमा चम्किन सक्षम बनाउँछ। हामीलाई गर्व छ कि यो मञ्चबाट हरेक सहभागीले नयाँ उचाइको सुरुवात गरेका छन्।”
ग्रेस इभेन्ट्सले सम्पूर्ण सहभागी, अभिभावक, निर्णायक, अतिथि, कलाकार, सञ्चारकर्मी, स्वयंसेवक र दर्शकहरूप्रति हार्दिक आभार व्यक्त गर्दै यो कार्यक्रम प्रतियोगितामात्र नभई युवाहरूको आत्मविश्वास, सिर्जनशीलता र नेतृत्व विकासको प्रेरणाको यात्रा भएको स्पष्ट पारेको छ।
