आज कोशी र गण्डकी प्रदेशका उच्च पहाडी तथा हिमाली भू–भागका एक/दुई ठाउँमा हल्का हिमपातको सम्भावना रहेको छ ।
कोशी, बाग्मती र गण्डकी प्रदेशको पहाडी भू–भागमा आंशिक बदली रहेर बाँकी भू–भागमा आंशिक बदलीदेखि मौसम सामान्यतया सफा रहने मौसमविद् रोजन लामिछानेले बताएका छन् ।
लामिछानेका अनुसार काठमाडौं उपत्यकाको मौसम भने आज सामान्यतया सफा रहने छ ।
बिहान केहीबेर काठमाडौं उपत्यकासहित पहाडी र तराईका जिल्लामा हुस्सु र कुहिरो लागेको भए पनि घाम लागेसँगै हट्न थालेको र मौसम सफा रहेको उनले बताए । काठमाडौंमा आज पारिलो घाम लाग्ने उनले बताएका छन् ।
