बसन्त रायाक्षेत्रीको शव्द, विजय गुरुङको निर्देशन र मोडल पबि–स्मारिकाको अभिनयले सजिएको म्युजिक भिडियो
काठमाडौं — हिन्दु नारीहरूको महान चाड हरितालिका तीज नजिकिँदै गर्दा नेपाली सांगीतिक बजारमा नयाँ–नयाँ तीज गीतहरूको लहर जारी छ। यसै क्रममा गायिका तृप्ति खड्का गुरुङ र गायक विजय गुरुङको स्वरमा नयाँ तीज गीत “आजको वेला” सार्वजनिक भएको छ।
गीतका शव्द बसन्त रायाक्षेत्रीले लेखेका हुन् भने संगीत संयोजन नरेश पाण्डेले गरेका छन्। सारेगम स्टुडियोमा तयार गरिएको यस गीतको भिडियो निर्देशन स्वयं गायक विजय गुरुङले गरेका छन्।
भिडियोमा विजय गुरुङसँगै मोडल मिस पबि र स्मारिका ढकालले दमदार अभिनय प्रस्तुत गरेका छन्। प्रकाश खड्का टिमको छायांकन, मिलन विश्वकर्माको सम्पादन तथा कलरले भिडियोमा थप आकर्षण दिएको छ।
गीतबारे बोल्दै गायिका तृप्ति खड्काले यस अघिका आफ्ना गीतझैँ “आजको वेला” ले पनि दर्शक–श्रोताबाट धेरै माया पाउने विश्वास व्यक्त गरिन्।
