संचारकर्मी राजेन्द्र लुईटेल (राज) लाई ‘राष्ट्रिय व्यक्तित्व सम्मान २०७९ सम्मानित गरिएको छ ।
विगत लामो समयदेखि संचार क्षेत्रमा रहेर विभिन्न लोकप्रिय अनलाईन संचार माध्यम संचालन गर्दै आईरहेका राजलाई प्रमुख अतिथी वरिष्ठ कलाकर्मी निर शाह, विशिष्ठ अभिनेता धिरेन शाक्य, अभिनेता नवल खड्का,वरिष्ठ नृत्य निर्देशक राजु शाह लगायतले सम्मान प्रदान गरेका थिए ।
मनोरन्जनको हरेक विधाका कार्यक्रमहरु, म्युजिक, भिडियो, सांस्कृतिक कार्यक्रम, चलचित्र निर्माण साथै कला साहित्य, भाषा लगायत विभिन्न विधाको प्रर्वद्धन र विकासका लागि काम गर्दै आएको एभरग्रीन वल्र्डवाइड ईन्टरटेनमेन्टको दशौं वर्ष प्रवेशको अवसरमा आयोजित संस्थाको वार्षिकोत्सव पारेर ‘राष्ट्रिय व्यक्तित्व सम्मान तथा विविध सांस्कृतिक कार्यक्रम २०७९’ भव्य रुपमा सम्पन्न भएको हो ।
चलचित्र विकास बोर्डको हलमा सम्पन्न आयोजित कार्यक्रममा कार्यक्रमका अध्यक्ष एवं सभापति हास्यकलाकार गोपाल ढकाल (छन्दे) प्राज्ञ तथा विशिष्ठ चलचित्रकर्मी निर शाह प्रमुख अतिथी तथा चलचित्र विकास बोर्डका अध्यक्ष एवं अभिनेता भुवन केसी विशिष्ठ अतिथी रहेका थिए भने, नेपाल चलचित्र कलाकार संघका अध्यक्ष रविन्द्र खड्का, विशिष्ठ चलचित्रकर्मी मोहन निरौला, नेपाल चलचित्र निर्माता संघका अध्यक्ष नवल खड्का, चलचित्र विकास बोर्डका निवर्तमान अध्यक्ष दयाराम दाहाल, विशिष्ठ नृत्य निर्देशक राजु शाह, तथा विशिष्ठ अभिनेता धिरेन शाक्य विशेष अतिथि रहेका थिए ।
