काठमाडौं– गायक माधव भण्डारी र आशा उपरकोटीको स्वरमा रहेको गीत ‘जमुना’ सार्वजनिक भएको छ । माधवकै शब्द, सङ्गीत एवं एरेञ्ज, डिका गुरुङको मिक्सिङ/माष्टरिङ र दिपक विसीको रेकर्डिङ रहेको नेपाली मौलिक गीतको भिडियो सार्वजनिक भएको हो ।
होम धितालको निर्देशन र शिव विकको कोरियोग्राफि रहेको गीतको भिडियोमा नायिका रेजिना उप्रेती र सुन्दर खवासको अभिनय देख्न सकिन्छ । मरुभूमि नारायणको छायाँकन/ड्रोन रहेको भिडियोमा रोशन धितालको सम्पादन छ ।
गीतको भिडियो माधव भण्डारी अफिसियल युट्युव च्यानलमार्फत सार्वजनिक गरिएको हो । ‘हामीले मौलिकताको प्रथामिकतामा पुरानो शैलीको गीत ‘जमुना’ यहाँहरू समक्ष ल्याएका छौ, सुनेर र हेरेर प्रतिक्रिया दिनुहोला’, गायक भण्डारीले भन्नुभयो । गायक भण्डारीको धेरै गीत स्रोता/दर्शकमाझ लोकप्रिय रहेका छन् ।
