गृह मन्त्रालयले मिटरब्याजबाट पीडित भएकाहरुलाई मिटरब्याजीविरुद्ध उजुरी दर्ता गर्न अनुरोध गरेको छ। मन्त्रालयले शनिबार एक सूचना जारी गर्दै भदौ ५ गतेभित्र प्रमाणसहित उजुरी दर्ता गराउन अनुरोध गरेको हो।
देशैभर मिटरब्याजीको जालो फैलिएको हुनसक्ने भन्दै मन्त्रालयले मिटरब्याज पीडित व्यक्तिहरुबाट त्यस्ता मिटरब्याजीले गरेका अपराध र शोषणविरुद्ध प्रमाणसहित उजुरी दर्ता गर्न अनुरोध गरिएको छ।
यस्तो उजुरी पीडितले सम्बन्धित जिल्ला प्रशासन कार्यालयमा गएर दिन सक्ने मन्त्रालयले सूचनामा उल्लेख गरेको छ। आर्थिक हिसाबले विपन्न वर्गका व्यक्तिहरुमाथि गरिएको शोषणको श्रृंखलाले सयौं परिवारको विचल्ली भएको मन्त्रालयले जनाएको छ।
