मध्य पहाडी राजमार्गमा संकल्प यात्रामा रहेका नेकपा एमालेका अध्यक्ष केपी शर्मा ओलीमाथि धनकुटामा एक जनाले मुक्का प्रहार गरेका छन् ।
भोजपुरबाट धनकुटा प्रवेश गरेपछि महालक्ष्मी नगरपालिका ५ लेगुवामा ओलीमाथि मुक्का प्रहार भएको हो । उनीमाथि लेगुवाकै महेश राईले मुक्का हानेका हुन् ।
अतिथि सत्कारको लाइनमा माला लगाउन उभिएका राईलेले अध्यक्ष ओलीलाई मुक्का प्रहार गरेका हुन् । तत्काल ओलीका अंगरक्षक र एमाले कार्यकर्ताले रोकेका थिए । लगत्तै प्रहरीले राईलाई पक्राउ गरी अनुसन्धान सुरू गरेको छ ।
एमाले अध्यक्ष ओली पार्टीको मध्यपहाडी लोकमार्ग केन्द्रित संकल्प यात्रा अभियानमा सहभागी छन् । सोही दौरान उनी धनकुटा जाने कार्यक्रम रहेको थियो।
