काठमाडौं । अभिनेता श्रीदेव भट्टराईद्वारा अभिनित नयाँ गीतको म्युजिक भिडियो सार्वजनिक भएको छ । प्रताप दास तथा श्रद्धा दियालीको स्वरको उक्त यूगल गीतको म्युजिक भिडियोमा अभिनेता भट्टराईलाई मोडल गीता ढुंगानाले साथ दिएकी छिन् । ‘यो माया’ बोल गीत प्रणय दिवसको अवसर पारेर सार्वजनिक भएको हो । केशव भट्ट उक्त भिडियोका निर्देशक हुन् ।
दुई नयाँ फिल्महरु ‘कुईँनेटो’ तथा ‘चिठी’ को प्रदर्शनको पर्खाइमा रहेका अभिनेता श्रीदेव भट्टराई पछिल्लो समय म्युजिक भिडियोमा व्यस्त मोडलमा पर्छन् ।
कथावस्तु समेटिएका गीतका भिडियोमा अभिनय गरेर दर्शकको मन जित्दै आएका पछिल्लो समय भने रोमान्टिक गीतका भिडियोमा समेत उतिकै देखिन्छन। उनले अभिनय गरेका गीतहरुमध्ये हास्य शैलीको अञ्जु रानी मञ्जु रानी, भावुक शैलीको पीडा, रोमान्टिक गीत तिमी मेरो पूजा, नृत्यपरक गीत सुगर फ्री आदिले दर्शकको मन जितिसकेका छन् । अभिनेता भट्टराई नेपालका अनुशासित कलाकारको अवार्ड पाउने एक्ला कलाकार समेत हुन् ।
