नृत्य निर्देशक संघको नव बर्षको शुभकामना आदानप्रदान तथा प्रमाणपत्र वितरण कार्यक्रम सम्पन्न

काठमाडौं । यही आइतबारका दिन रामहिटी साहित्य सदनमा नृत्य निर्देशक संघको आयोजनामा नवबर्ष २०८३ को शुभकामना आदानप्रदान कार्यक्रम सम्पन्न भएको छ । कार्यक्रम नृत्य निर्देशक सङ्घ नेपालको तेश्रो केन्द्रीय अधिवेशनबाट निर्वाचित कार्यसमितिद्वारा आयोजना गरिएको थियो ।
यस कार्यक्रममा प्रमुख अतिथि श्री भैरवबहादुर थापा हुनुहुन्थ्यो ।
कार्यक्रममै वरिष्ठ नृत्य निर्देशक श्री कमल राई ,राजु शाह , आरसि कोइराला , जोगेन्द्र केसी र चन्द्रमान मुनिकारलाई सल्लाहकार चयन गरिएको थियो । नव निर्वाचित कार्यसमितिबाट अध्यक्ष भुवनदास श्रेष्ठ ,वरिष्ठ उपाध्यक्ष शम्भु शाही ,उपाध्यक्ष केशव कोइराला ,महिला उपाध्यक्ष शारदा सोती शर्मा ,महासचिव ऋषिकेश श्रेष्ठ ,सचिव कृष्ण रसाल, कोषाध्यक्ष संगीता शाही खडकी , सहकोषाध्यक्ष चूडामणि फुँयाल , सदस्यहरु अजय कुमार बिष्ट ,बाबु सेन्चुरी , देवराज गुरुङ्, छिरिङ लामा , बिजय घिसिङ ,पिङकी खड्का ,दिपक श्रेष्ठ ,पुर्णिमा श्रेष्ठ ,अनिता रन्जितकारलाई परिचयपत्र वितरण गरिएको थियो |
नृत्य निर्देशक सङ्घ नेपालका विभिन्न प्रदेश , जिल्ला , नगर कार्यसमितिहरूलाई प्रमाणपत्र वितरण गरियो । संस्थापक कार्यसमितिलाई पनि सम्मान गरियो । कार्यक्रममा आजीवन सदस्य भवानी कोइरालालाई परिचय पत्र प्रदान गरिनुका साथै ,यस सस्थाको २०८३ सालको भित्तेपत्रो विमोचन भएको थियो । कार्यक्रममा नै संघले नयाँ सदस्यका रूपमा दिपक श्रेष्ठ ,पुर्णिामा श्रेष्ठ ,अनिता रन्जितकार , लोकेन्द्र शाह ( लुम्बिनी प्रदेश ) लाई मनोनयन गरेको जानकारी दिइएको थियो |